Ons Skool se Geskiedenis
en Karakter
Gestig in 1981. Van 'n beskeie begin tot 'n trotse vesting vir identiteit, kultuur, en progressiewe kennis aan die Wesrand.
Van Hoërskool Mindalore tot 'n Onwrikbare Bastion
Die skool begin op 22 April 1981 as Hoërskool Mindalore met bloot 13 onderwysers en 207 leerders in graad 8 en 9. Die naamverandering na Hoërskool Bastion was strategies en diepsinnig geïnspireer deur die omringende straatname.
"Soek uit die verlede dit wat goed en reg was en bou daarop voort in die toekoms."
— President KrugerDie Stigtingsjaar
Skool open sy deure met slegs 13 toegewyde opvoeders en 'n eerste kohort van 207 graad 8 en 9 leerders.
Wat is 'n Bastion?
'n Burg, 'n vesting, 'n fort. Dit herinner aan die kasteel wat na die volksplanting gebou is om teen gevare te beskerm, van waar kosbare dinge beveilig en uitgebou is.
Die Moderne Mandaat: Bastion Bou!
Hier word daar progressief vorentoe gebou aan elke kind se toekoms, terwyl daar by die leerder die wil gekweek word om self 'n aandeel te hê aan die bou van sy of haar eie lot.
Ons Waardes
"Maar die vrug van die Gees is..." — Galasiërs 5:22-23
Wat beteken ons skoolwapen?
Klik of tik op die interaktiewe vektore en bloudruk-segmente om die dieper betekenis van die Bastion-skoolwapen te verken.
Die Volledige Skild & Mandaat
Binne die beskerming van Bastion wil ons dié dinge beveilig wat vir ons kosbaar en dierbaar is: ons tradisies, ons godsdiens, ons taal en fyn menswees. Op dié wyse doen elkeen wat deel van die Bastion-storie is sy deel om aan die skeppingswonder te help bou.
Ons Visie
Om die toonaangewende en gerespekteerde onderwysinstelling aan die Wesrand te wees, waar elke kind se volle potensiaal ontsluit kan word.
Ons Missie
Om aan die hand van 'n Afrikaanse waardegedrewe opvoedingsmilieu, onderrig en opvoeding daar te stel, wat deur die volgende beginsels ondersteun word:
Ons Credo
Die Amptelike Skoollied
Musiek: Ollie Viljoen • Liriek: Jackie Meyer
Deur veelbewoë eeue heen
staan hy as vaste vesting daar,
Geteister deur die wind en reën
en ook deur heiden en gevaar.
Refrein:
Bastion, o Bastion
Alles veil vir jou!
Bastion, o Bastion
Vir niks verruil ons jou!
Hier werk ons met verstand hives en hand,
'n toekoms met 'n klein begin.
Ons volg ons Skepper hand in hand
Gelowig saam die toekoms in.
Refrein:
Bastion, o Bastion
Alles veil vir jou!
Bastion, o Bastion
Vir niks verruil ons jou!
Leer meer oor ons
Ontmoet ons toegewyde leierspan en professionele personeel wat daagliks bou.